Lidhja Demokratike e Kosovës, mbështetur nga NDI, USAID dhe SDC, ka ftuar të gjithë të rinjtë e të rejat nga mosha 18 deri në atë 25 vjeçare, të bëhen pjesë e ligjërimeve politike në shkollën politike “Ibrahim Rugova”.

“Nëpërmjet një kurikule dymujore, të ndarë në 10 ligjërata, këtu, në Selinë Qendrore të LDK-së, ju do të mësoni për të djathtën, për Republikën, Rugovizmin, ekonominë e tregut, shtetin, institucionet shtetërore e ato ndërkombëtare”, thuhet në njoftimin e LDK-së.

“Do të mësoni dhe për kampanjën e aktivizimin partiak, sikurse dhe për programin tonë politik ‘Rruga e Re’”, thuhet tutje.

“Nga ligjëruesit tanë më të mirë, ju do të merrni jo vetëm njohuritë thelbësore politike, por nëpërmjet mysafirëve të shumtë të jashtëm pjesë e këtyre ligjëratave, ju do të njiheni dhe me përvojën e tyre të pasur”, ka shkruar LDK.

Të 20 studentët e përzgjedhur në këtë klasë të parë do të nisin ligjërimet që nga muaji nëntor i këtij viti.